વિશ્વ ભરમાં કોરોના વાઇરસ સંક્રમણના સેકન્ડ વેવની આશંકા, ફ્રાંસ બાદ હવે બ્રીટનમા પણ લોકડાઉન જાહેર કરાયું

બ્રિટનના વડા પ્રધાન બોરિસ જોનસને એક ન્યૂઝ કોન્ફરન્સમાં કહ્યું હતું કે, “હવે પગલા ભરવાનો સમય આવી ગયો છે કારણ કે બીજો કોઈ વિકલ્પ હાજર નથી. તેમણે ઉમેર્યું, દુર્ભાગ્યવશ, અમારા વૈજ્ઞાનિક સલાહકારોની ધારણા કરતા યુકેમાં અથવા યુરોપમાંના ઘણા વિસ્તારોમાં મોટા પ્રમાણમાં કોરોના વાયરસ ફેલાય રહ્યો છે.”

કોરોનાને ધ્યાનમાં રાખીને, બ્રિટિશ વડા પ્રધાન ઉદ્યોગપતિઓ માટે આર્થિક સહાય યોજનામાં વધારો કરવા, ઘરે બેઠેલા કર્મચારીઓને એક મહિનાનો વધુ ખર્ચ ચૂકવવા સહિતના અનેક નવા પગલા લેવાની તૈયારી કરી રહ્યા છે. આ દરખાસ્તો સોમવારે યુકેની સંસદમાં મુકવામાં આવશે.