નેશનલ: પ્રધાનમંત્રી નરેન્દ્ર મોદીએ જણાવ્યું છે કે આયુષ્માન ભારત ડિજિટલ મિશન ભારતમાં આરોગ્ય સંભાળમાં ક્રાંતિ લાવવાની શક્તિ ધરાવે છે.
તેમણે કહ્યું કે 21મી સદીમાં ભારત માટે આજનો દિવસ મહત્વનો છે કારણ કે આરોગ્ય ક્ષેત્ર એક નવા તબક્કામાં પ્રવેશી રહ્યું છે, જે દેશના આરોગ્યને બદલશે. વીડિયો કોન્ફરન્સિંગ દ્વારા આયુષ્માન ભારત ડિજિટલ મિશનનો પ્રારંભ કરતાં શ્રી મોદીએ કહ્યું કે, દેશના ગરીબ અને મધ્યમ વર્ગની સારવારમાં આવતી સમસ્યાઓને દૂર કરવામાં આયોજના મોટી ભૂમિકા ભજવશે.
પ્રધાનમંત્રીએ કહ્યું કે દરેક નાગરિકને હવે ડિજિટલ હેલ્થ આઈડી મળશે અને તેમનો આરોગ્ય રેકોર્ડ ડિજિટલ રીતે સુરક્ષિત રહેશે. પ્રધાનમંત્રી મોદીએ કહ્યું કે,
આરોગ્ય સેતુ એપ કોવિડના ફેલાવાને તપાસવામાં મહત્વની સાબિત થઈ છે. કોવિને 90 કરોડથી વધુ લોકોને રસીના ડોઝ આપવાના વહીવટમાં મહત્વની ભૂમિકા ભજવી હતી.
આ સમયગાળા દરમિયાન ટેલિમેડિસિનનું અભૂતપૂર્વ વિસ્તરણ પણ થયું છે. તેમણે કહ્યું કે, સવા કરોડ પરામર્શ ઈ-સંજીવની દ્વારા કરવામાં આવ્યા હતા.
આયુષ્માન ભારત યોજનાએ જરૂરિયાતમંદોને વિનામૂલ્યે સમયસર મદદ આપીને પણ મહત્વની ભૂમિકા ભજવી હતી. અત્યાર સુધીમાં બે કરોડથી વધુ લાભાર્થી છે, અને તેમાં અડધી મહિલાઓ છે.