“ડોલ”
મારા બાપા એક મોંઘીદાટ ડોલ લઈ આવ્યા
પછી……
ઘરમાં કકળાટ ……ડોલ માટે…
પછી નક્કી થયું કે ;
ડોલને મહત્ત્વના ;
કામ માં જ વાપરવી
ડોલને પેપરનાં વાઘા પહેરાવી માળીએ મૂકવામાં આવી ;
પણ પછી……
મારા બાપાનાં બારમાં નિમિત્તે બનાવેલા બટાકા ના રસાવાળા શાકને પીરસવામાં તેનો ઉપયોગ થયો
બીજીવાર મારી માનું નાહી લેવાં માટે એ જ ડોલ………
અને જ્યારે મોટી બેને પોતાને ઘાસલેટ છાંટીને પ્રગટાવી ત્યારે આગ ઓલવવા…..ય….એજ..ડોલ
.
.
.
મારા બાપા
મારી માં
અને
મારી મોટી બેન
બધા અંદર સમાઈ ગયા
ખરેખર ડોલ બહુ ઊંડી હતી….
એટલે મોંઘી હતી
ઋષિ
